什麼是真正的朋友?
話說某個週末, 我0地一家開車去附近公園玩和野餐.
差唔多到步嘅時候, 我0地架車無端端發出怪聲!
然後Papa Bear 話steering wheel好難轉啊! 轉不到轉不到!
咁點算好? 轉頭返屋企先定開去車行?
Papa Bear 話要搵個地方拍埋一邊; 唔可以再開; 因為唔知咩事; 同埋都轉唔到彎
嗰時我0地仲0係大路…前面就係公園,
所以就入咗去公園先.
長話短說;
架車突然壞咗…
Papa Bear 就打去保險公司安排拖車…一路同接線生講個情況…
我就心諗住call uber 同三個小朋友返屋企先? 定成家都返去先? 個心諗呢樣諗嗰樣…
0係同一時間又call咗阿媽同佢講聲…
一路傾就一路搞個uber app; 個app要我update 但唔知點解update 唔到; 信號接收能力又差…
0係搞個app嘅同時, 我就send咗兩個txt msgs 俾兩個住0係附近嘅同學仔媽咪睇0下佢0地0係唔0係屋企…
我都只係帶住一點點希望去搵朋友幫忙
因為一來係週末, 可能佢地會唔得閒; 二來我0地又未至於十分熟,
只係學校見到面會傾計同交換電話咁,
不過主要係我覺得, 如果自己能夠做到嘅事, 都唔想麻煩到人…
但0係嗰一刻, 我只係想帶三個小朋友去安全嘅地方…
所以心諗…一定要搵幫手…
Papa Bear 當事仲處理緊拖車嘅安排…
我就搞緊個uber app…我都唔知點解個app 會帶我去到問我想接什麼類型嘅乘客🤦🏻♀️
呢個時候其中一個同學媽媽回覆問我咩事…
我講咗俾佢聽架車死火之後, 佢咩都無問就係問我0地0係邊, 即刻0黎接我0地😭
我本來只係諗住叫佢幫我叫uber已經幫到我個大忙…佢話唔緊要, 佢叫佢老公0黎接我0地😭
我無諗住係咁樣. 好感動🥹
真正嘅朋友,
可以只係,
平時可能只係見面普通打個招乎傾兩句,
但當你遇到困難時, 佢真係諗都唔諗就立刻出0黎幫你.
我非常感恩能夠遇到真正嘅朋友❤️
後尾另一個同學媽咪都打俾我, 得知佢企有的事覆唔到我❤️
我識咗佢0地5年? 但三年covid pandemic 都無咩點聯絡…
之後各有各忙…然後各有各更忙…
由每日見到面到每個月都可能0係學校只撞見一次面…
令我最感動同感恩嘅, 係無真正聯絡咁耐, 到會問都唔問就出來幫忙…😭
之後個週末, 我請咗佢0地過0黎屋企玩; 同埋當然請佢0地食我煮嘅野啦😄
我尊登整多d, 咁佢0地就可以打埋包返屋企俾埋屋企人慢慢食唔駛煮😃
