教育子女呢個topic都幾廣泛! 有好多0野可以講.,.
我係一個都算係幾開通嘅媽媽. 就從要聽聽仔女說話開始講啦!
我想和我嘅仔女, 除咗做父母仔女嘅關係外, 亦都想可以做到朋友咁; 可以傾到心事嘅.
第一樣0野要做嘅, 就係要聽佢地講0野; 要有溝通. 唔可以唔了解清楚就鬧!
唔係話要服從佢0地.
而係我發覺, 當人擁有嘅權力越大, 我0地就會不知不覺想別人順從自己.
比如,
晚餐時候到喇. 小朋友正在玩玩具/做自己事.
媽媽叫食飯喇! 亦正在準備忙住開飯; 心入面就會想屋企人快d過來幫手或先放低自己做嘅0野,
最好即刻過0黎幫手開飯&食飯!
因為食完飯, 我仲要洗碗, 執0野, 幫小朋友沖涼, 剪片, 備課, 好多做不完嘅事要等住媽媽做啊!
停一停!! 等一等!!
媽媽忙唔係大晒0架喎!
無錯, 每樣事情都有原因嘅.
為什麼小朋友不過來食飯? 佢0地咪咪麼麼做乜東東呢?
我成日都要提自己, 要先了解事情才去決定要唔要發惡! =X 🙂
如果理由合理嘅, 遲少少開飯又有咩所謂呢? 將自己時間表改一改又有咩所謂呢?
總好過未聽解釋就發惡鬧人. 咁樣會好傷感情同唔尊重啊.
我覺得, 亦都會經常提醒自己, 小朋友都應得到尊重的.
所以,
平時小朋友說話要聽. 就算幾無聊, 幾悶都好.
佢0地想分享開心事/不開心事俾自己就代表我0地對佢0地有幾重要先會肯分享啊!
我會諗, 到佢0地大個都未別一定樣樣0野都會講啊. 現在可以build up 呢個信任唔係好好咩?
況且, 呢d叫關心. 每個人都希望得到別人關心, 尤其係自己愛嘅人:)
今日講到呢到. 我個仔仔想同我打Mario 等咗一陣喇! 哈哈….
